Traditional Scottish Songs 
Auld Lang Syne 
Kenneth McKellar, Scottish tenor
 
  
 
Robert Burns, text
Auld Lang Syne
 
Should auld acquaintance be forgot, 
And never brought to mind? 
Should auld acquaintance be forgot, 
And auld lang syne! 
  
For auld lang syne, my jo, 
For auld lang syne, 
We'll tak a cup o' kindness yet 
For auld lang syne. 
 
And surely you'll be your pint stoup, 
And surely I'll be mine, 
And we'll tak a cup o' kindness yet 
For auld lang syne! 
 
We twa hae ran about the braes, 
And pou'd the gowans fine, 
But we've wander'd monie a weary fit 
Sin' auld lang syne. 
 
We twa hae paidl'd in the burn 
Frae morning sun til dine, 
But seas between us braid hae roar'd 
Sin' auld lang syne. 
 
And there's a hand, my trusty fiere, 
And gie's a hand o' thine, 
And we'll tak a right gude willie waught 
For auld lang syne!